想裸辭,又驚冇人再請?

想裸辭,又驚冇人再請? 裸辭係一個好需要勇氣嘅決定。當你重回職場嘅時候, 你識唔識點樣解釋你CV嘅空窗期?

 想裸辭,應該問下自己, 你想抖嘅真正理由係咩?失去對工作嘅熱情?前老細好惡梗?想放假去讀書? 想試下工作假期? 定係純粹想去下旅行hea一陣?

 想裸辭,應該做多啲事前啲功夫,你再重返職場時就可以得心應手。 

其實如果你辭職前係一間公司起碼有兩三年經驗,咁就比較穩陣, take 個break都心安理得 。因為你已經熟悉公司或者你本行嘅基本運作, 再投入番同一個行業就自然好快上手。

相反, 如果你履歷嘅最後一份工只係做左幾個月,而你又唔想面試時俾人問到口窒窒,覺得你對工作唔認真 ,無擔帶 ,你就要認真諗下以下嘅問題:

  • 休息期間有無啲新諗法?
  • 你空窗期間對自己未來嘅職業路向有咩得著?
  • 你有無增值自己,例如進修下?點樣應用去你申請果份工度?

想裸辭,其實好少事。如果你好好利用個break,俾面試官見到你個長假令你培養到唔同觀點同視野, 幫到你係未來嘅事業上有更大嘅發揮,你嘅表現就會大大加分!接著看辭職前請三思!

編輯精選:

老細加薪留職,點算好?

90% HR 都忽略了的求職體驗

Data scientist 入門秘技

想知道更多林老師的創業及數碼推廣秘技?快點關注我們的Facebook Page吧!

About Dicky Yuen

Venturenix 獵頭公司創辦人,香港科技大學校友會主席。Dicky從事IT行業已逾10年,創辦Venturenix致力尋找及培訓IT人才,對IT行業及求職招聘有敏銳的觸覺。

View all posts by Dicky Yuen

Leave a Comment