虛擬貨幣勁跌!仲應唔應該入手?

近排,虛擬貨幣曾經大幅下跌,跌幅超過雙位數,比特幣曾一度跌穿7,500美元,以太幣跌幅更跌超過16%!究竟仲應唔應該入手?

比特幣估計將跌至10%!

其實每次有人問我比特幣到底有無用,我都唔否定Bitcoin作為media of exchange嘅用途,Bitcoin對我黎講係一個好合理嘅交易媒體。但係講到價值,佢係應該慢慢上升,而唔係好似之前咁一個月升幾倍,甚至幾乎十幾倍,最終到底會唔會趺到10%係有可能嘅。其實,暫時黎講,全球瘋炒嘅虛擬貨幣特別係比特幣係市場上嘅價值可能只有10%係真正合法同實用,而有90%可能係炒作嘅,而且仲未包括比特幣有唔太合法嘅金錢流動,好似之前Wannacry勒索案就要苦主交Bitcoin做贖金。

當大家唔知咩係比特幣都照大手炒買嘅時候,就係泡末的狀態,全球瘋炒Bitcoin就好似當年.com爆破前的一樣。以當年.com時代黎睇,Bitcoin可能會跌到歷史高位嘅10%(2千美金)甚至更低!

個人較睇好以太幣,幾時會入手?

個人黎講,我更睇好以太幣(Ethereum)嘅價值,因為Ethereum本身係一個虛擬貨幣嘅blockchain平台,可以換算做其他貨幣,亦係引伸出ICO( Initial coin offering, 首次代幣發行)嘅換算平台,所以我較睇好Ethereum嘅長遠價值。咁我究竟會幾時先會買Bitcoin?當炒家退場,虛擬貨幣回歸到真正嘅價值,我就可能會入手啦!

將更多規管

證監會係前日已禁第一單ICO,指Black Cell涉無牌集資,相信證監會一定會就ICO作出更多規管,甚至立例管制,ICO將會變得更健康、運作會更成熟,到時入手虛擬貨幣先買到虛擬貨幣真正嘅價值!玩在就看看五大虛擬貨幣精選 吧!

編輯精選:

什麼是ICO?

作為IT人,應怎樣為金管局推智慧銀行作準備?

學嘢最梗要快,快啲Share俾朋友啦!

想知道更多林老師的創業及數碼推廣秘技?快點關注我們的Facebook Page吧!

About Alvin Lam

林溢鋒 Alvin Lam ,數碼營銷專家、科技企業家、創業顧問、天使投資者、多間大學客席講師。Alvin從事數碼營銷已逾20年,曾把 PacificLink數碼推廣集團由2人擴展至 300 人規模,並於近年成功引領公司加盟國際巨擘 Accenture,成為行業中的典範。其後,連環創業家Alvin創立T12M拾貳門創科資本,作為資深天使投資者同時協助不少初創企業快速發展,被稱為Startup醫生。

View all posts by Alvin Lam

Leave a Comment